CROCODILE er Kim Ki-Duk sin debutfilm. Den er ei merkverdig forteljing om hat, vald og kjærleik på breidda og botnen av Han, elva som renn gjennom Seoul. Ein ung mann med økenamnet "Krokodilla" plukkar opp og sel vidare lika av folk som har teke sjølvmord. Han slår seg i lag med ein gamal mann og barnebarnet hans, og saman lever dei frå hand til munn ved elva med det skitne vatnet. Dette heilt til Krokodilla reddar og dernest valdtek den unge kvinna Hyun-jung som har blitt forlatt av kjærasten sin. Ho blir værande, og krokodilla blir med denne handlinga leiaren for ein uvanleg "familie". Sjølv etter ei rekkje intense konfliktar i storbyen og ein kort tur innom fengsel returnerer han til dei gong på gong. Den overhengande stemninga i filmen er bunde saman av ein rå lyrisme som berre tillet ekte kjensler å bli forma gradvis. Slike kjensler bind til slutt Krokodilla og Hyun-jung saman i ei sær, privat sfære under vatnet si overflate.